-Այն իրադարձությունները, որ ծավալվում են մեր երկրում իշխանության քաղաքական ընդդիմախոսների դեմ, ակնհայտ են դարձնում ձերբակալությունները, կալանավորումները նաեւ բռնության դեպքերը, որոնք մեր առօրյայի մաս են դարձել,- այսօր լրագրողների հետ զրույցում ասաց ԱԺ «Պատիվ ունեմ» խմբակցության քարտուղար Տիգրան Աբրահամյանը՝ անդրադառնալով «Իմնեմնիմիի» հաղորդավարների ձերբակալությանն ու քրեական հետապնդում սկսելուն:
Աբրահամյանի խոսքով՝ իշխանության համար «Իմնեմնիմիի» հարթակն էր խնդրահարույց, այդ պատճառով ոչ միայն տղաներին ձերբակալեցին, այլ հավաքեցին տեխնիկան. «Գլխավոր խնդիրը այդ հարթակն է, որը մեծ լսարան ունի եւ իշխանության համար խնդիրներ է առաջացնում»:
Անդրադառնալով վիրավորական արտահայտությունների օգտագործման համար ձերբակալված հաղորդավարներին առաջադրված մեղադրանքներին՝ պատգամավորն ասաց. «Ամբողջ դաշտը վիրավորանքներ են՝ սկսած քաղաքական գործիչների մակարդակից մինչեւ իշխող գլխավոր դեմք, որն օգտագործում է ԱԺ ամբիոնը, իր facebook-ի պատը տարբեր գռեհիկ, այլանդակ հայտարարություններ տարածելու համար: Այն իշխանությունը, որի գլխին կանգնած անձը այդպիսի վարք է դրսեւորում, առնվազն բարոյական իրավունք չունի խոսել այլոց վիրավորանքների մասին»:
Կարդացեք նաև
Արփինե ՍԻՄՈՆՅԱՆ
