ԱԺ «Հայաստան» եւ «Պատիվ ունեմ» խմբակցությունները չմասնակցեցին Գեղամ Նազարյանի եւ Ռուբեն Ռուբինյանի ներկայացրած նախագծին, որով հունվարի 27-ը առաջարկվում էր հայտարարել հայրենիքի պաշտպանի հիշատակի օր։
Քվեարկությունից առաջ «Հայաստան» խմբակցության քարտուղար Արծվիկ Մինասյանը հայտարարեց, որ հանձնաժողովում քննարկումների ժամանակ նախագծի հեղինակների հետ համաձայնություն է ձեռք բերվել այդ օրը սահմանել սեպտեմբեր-հոկտեմբեր ամիսներին, ուստի իրենք այժմ չեն մասնակցի քվեարկությանը։ Իսկ «Պատիվ ունեմ» խմբակցության ղեկավար Հայկ Մամիջանյանը հավելեց՝ քանի դեռ օրը հստակ ընտրված չէ եւ այն նպատակ չի հետապնդում՝ լղոզել իշխող ուժի քաղաքական պատասխանատվությունը վերջին պատերազմներում հազարավոր զոհերի համար, «Պատիվ ունեմ» խմբակցությունը նույնպես չի մասնակցի քվեարկությանը։
«Մեր համար հայրենիքի պաշտպանների հիշատակի օրն ամեն օր է»,- ասաց նա։
Նախագիծն ընդունվեց առաջին ընթերցմամբ՝ 62 կողմ ձայներով։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ


















































