-8 ժամից ավելի նույնիսկ քրեական հարցաքննությունը չի թույլատրվում շարունակել, բայց 8 ժամից ավելի այս նիստն է ընթանում: Այսօր էլ չենք կարող շարունակել, պետք է վաղը առավոտից կամ երկուշաբթի օրը առավոտից շարունակենք: Ես արդեն չեմ խնդրում, արդեն պահանջում եմ,- այսօր «Տաշիր Կապիտալ» ընկերությանը տրված ՀԷՑ–ի «լիցենզիան դադարեցնելու» հարցով Հանրային ծառայությունները կարգավորող հանձնաժողովի նիստում ասաց «Տաշիր Կապիտալի» ներկայացուցիչ Արամ Oրբելյանը:
Հիշեցնենք, որ հանրային ծառայությունները կարգավորող հանձնաժողովի նիստում երեկվանից է շարունակվում «Հայաստանի էլեկտրական ցանցեր» փակ բաժնետիրական ընկերության էլեկտրական էներգիայի (հզորության) բաշխման №0092 լիցենզիան դադարեցնելու մասին հարցի քննարկումը:
«Մնացել է ելույթների փուլը, ու դա չի կարող հիմա շարունակվել, ես արդեն ձեւական չեմ ասում։ Ռեալ չէ՝ մարդիկ այսքան աշխատեն, առանց նորմալ մի քանի ժամանոց ընդմիջման։ 8 ժամվա ընթացքում ընդամենը մի քնի ընդմիջում ենք ունեցել, չի կարող նիստը շարունակվել: Աշխատանքային օրենսգիրքը սահմանում է, որ արտաժամյա աշխատանքի տեւողությունը չի կարող լինել երկու օրում ավելին, քան 4 ժամ»։
-Նիստերի վարման կարգը սահմանափակումներ չի ենթադրում,-հակադարձեց հանձնաժողովի նախագահ Մեսրոպյանը:
-Եթե շտապում ենք ինչ-որ մի տեղ, ուզում ենք որոշում կայացնել, չմասնակցենք այս գործընթացին, դուք կայացրեք, բայց հանձնաժողովի անդամներին թրաֆիքինգի մի ենթարկեք- ասաց Օրբելյանը:
Կարդացեք նաև
Արփինե ՍԻՄՈՆՅԱՆ
