Հոկտեմբերի 20-ին Չեչնիայի քաղաքացի 23-ամյա Այշատ Բայմուրադովայի սպանությունը Երևանում կատարած երկու անձի նկատմամբ հանրային քրեական հետապնդում է հարուցվել Քրեական օրենսգրքի 155-րդ հոդվածի 2-րդ մասի 8-րդ կետով (մի խումբ անձանց կողմից կատարված սպանությունը). հայտնում են քննչական կոմիտեից:
Վերջիններիս նկատմամբ որպես խափանման միջոց ընտրվել է կալանքը և հանձնարարվել է նրանց նկատմամբ օրենքով սահմանված կարգով հետախուզում հայտարարելու վերաբերյալ:
Քրեական վարույթի նախաքննությունը շարունակվում է:
Հիշեցնենք՝ ըստ նախնական տվյալների՝ Այշատ Բայմուրադովան փախել էր Չեչնիայից՝ փորձելով ազատվել բռնությունից: Ընկերների խոսքով՝ Այշատը գնացել էր հանդիպման՝ Instagram-ով ծանոթացած մի աղջկա հետ։ Հետո պարզվել է, որ այդ աղջկա հետևորդների մեջ կան մարդիկ՝ Ռամզան Կադիրովի շրջապատից։
