Քիչ առաջ Երևան քաղաքի ավագանու նիստի ժամանակ ավագանին որոշեց հանել օրակարգից Հեթումյանների անվան փողոցը Պոդգորիցա անվանափոխելու մասին հարցը։
«Ազգային առաջընթաց» խմբակցության անդամ Արամ Թորոսյանն առաջարկեց օրակարգի՝ Երևան քաղաքի Շենգավիթ վարչական շրջանի Շիրակի փողոց հ. 47/6 հասցեում ալյումինի ձուլակտորներից տարբեր արտադրատեսակների արտադրության նախատեսվող գործունեության իրականացմանը նախնական համաձայնություն տրամադրելու մասին չզեկուցվող հարցը դարձնել զեկուցող։ Սակայն ավագանին այն չընդունեց։
Ավագանու անդամը պատճառաբանեց․ «Մենք տարբեր նիստերին տարբեր հողակտորների մասով քննարկում ենք արտադրական համաձայնություն տալու մասին հարցը, եկեք նախ քննարկենք այն առումով՝ արդյոք Երևանում կարո՞ղ են ունենալ մի առանձնացված արտադրական հզորության համար նախատեսված վայր»:
Երբ ավագանու քվեարկությունն ավարտվեց, Տիգրան Ավինյանը ծիծաղով ասաց․ «Համարյա, բայց չանցավ՝ պարոն Թորոսյան։ Վստահաբար մերոնցից մի քանիսը կողմ քվեարկել են»։
Կարդացեք նաև
Առաջարկվեց նաև զեկուցվող դարձնել «Երևանի երթևեկության կառավարման կենտրոն» համայնքային հիմնարկ ստեղծելու և դրա կանոնադրությունը հաստատելու մասին» չզեկուցվող հարցը։ Առաջարկն ընդունվեց։
Երևանի ավագանու նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
