Հակակոռուպցիոն դատարանը որոշեց «Մեր ձեւով» շարժման առաջնորդ Սամվել Կարապետյանի խափանման միջոց կալանքը երկարաձգել եւս 2 ամսով:
Հիշեցնենք, որ դատարանը երեկվանից էր քննում Կարապետյանի կալանքը երկարաձգելու վերաբերյալ վարույթ իրականացնող մարմնի միջնորդությունը:
Կարապետյանի պաշտպան Արամ Վարդեւանյանը լրագրողների հետ զրույցում ասաց. «Այստեղ իրավական գործընթաց չկա, արդարադատության բովանդակությունը կանխորոշվում է «Հայկական ժամանակի» նյութով: Դատարաններում այն, ինչ խոսում են,ք իրավական դիրքորոշումները, որ ներկայացնում ենք, հարց է առաջանում այս ամենն ինչի՞ համար է արվում, եթե «Հայկական ժամանակ» օրաթերթը երեկվա դրությամբ ամբողջ ելքը կանխորոշեց: Սա իրավական ահաբեկչություն է»:
Կարդացեք նաև
Վարդեւանյանը նկատեց, որ Փաշինյանի օրաթերթում 23:00-ի դրությամբ նույն կերպ պահպանված էր նյութը. <Դատական նիստի ժամանակ ես և գործընկերներս բարձրաձայնեցինք դրա մասին, դատավորն արտահայտեց իր վրդովմունքը, թե իբր «ու՞մ տեղն ենք դրել իրեն», ինքը ո՞նց է կարող է լրատվամիջոցի կանխատեսումներով առաջնորդվել։ 100-ից 100 կանխատեսումը կատարեց»:
Արփինե ՍԻՄՈՆՅԱՆ
