ՀՀ Ազգային ժողովի նախագահի տեղակալ Ռուբեն Ռուբինյանի ֆեյսբուքյան գրառումը
Ժամանակին Էդմոն Մարուքյանն ինձ խնդրում էր նաև միջնորդել, որ իրեն ընտրենք Մարդու իրավունքների պաշտպան: Բայց այ այդ անգամ չմիջնորդեցի, որովհետև չէի համարում, որ Մարուքյանը բավարար սկզբունքային է: Հետադարձ հայացքով` ճիշտ եմ արել:
«Լուսավոր Հայաստան» կուսակցության նախագահ, ՀՀ հատուկ հանձնարարություններով նախկին դեսպան Էդմոն Մարուքյանի տելեգրամյան գրառումը
Երեկ երեկոյան լույս տեսավ ArmLur.am-ին տված իմ հարցազրույցը, որը դիտելուց հետո Ռուբեն Ռուբինյանը ամբողջ գիշեր այդպես էլ չկարողացավ աչք փակել՝ մտածեց, երևակայությանը զոռ տվեց, և ահա՝ մի քանի ժամ առաջ հրապարակեց հերթական կեղծիքը։
Կարդացեք նաև
Ռուբեն, դու որևէ բան չես միջնորդել, որովհետև դրա համար բավարար թափ չունես։ Դու եղել ես ընդամենը մեսենջեր, և հենց այդպես էլ քեզ ընդունել եմ՝ չխախտելով հայտնի սկզբունքը՝ “don’t kill the messenger”։
2021-ի հունիսին դու եկել ու փոխանցել ես Նիկոլի առաջարկը՝ Բարձր տեխնոլոգիաների նախարարի պաշտոնում նշանակվելու մասին։
Ես մերժել եմ՝ ասելով, որ շնորհակալ եմ, բայց պաշտոն հանուն պաշտոնի ինձ հազար տարի պետք չէ։
Ութ ամիս անց նոր առաջարկ ես բերել՝ աշխատել Հատուկ հանձնարարություններով դեսպան, աջակցել բանակցային գործընթացին։
Ես ընդունել եմ, կատարել աշխատանքս, ներդրել իմ ներուժը և ծառայել բացառապես պետությանը։
Դուք եք դրժել Կառավարության ծրագիրը, դուք եք խախտել ձեր իսկ հռչակած կարմիր գծերը, և հենց դրա հետ անհամաձայն լինելով՝ հրաժարական եմ տվել ու հեռացել։
Հատուկ հանձնարարություններով դեսպանի պաշտոնում նշանակվելով՝ ես եմ ձեզ լավություն արել, ոչ թե դուք՝ ինձ։ Ուստի մի փորձեք հակառակը ներկայացնել. ինքներդ էլ գիտեք, որ այդպես չէ։ Իսկ երբ պետությանը մատուցած ծառայությունն եք փորձում ներկայացնել որպես ծառայողի «խնդիր», այդպես պարզապես հարվածում եք պետությանը ծառայություն մատուցելու գաղափարին։
