Հակակոռուպցիոն վերաքննիչ դատարանը՝ դատավոր Սուրեն Խաչատրյանի նախագահությամբ, վաղը կքննի Գյումրու քաղաքապետ Վարդան Ղուկասյանի խափանման միջոցի վերանայման հատուկ բողոքը: Ղուկասյանի պաշտպան Զարուհի Փոստանջյանի խոսքով՝ արդեն դատարան են ներկայացրել իրենց գրավոր բացատրություններն ու մի շարք ապացույցներ, որոնք վերաբերվում են Ղուկասյանի կալանքի պայմանների անհամատեղելիությանը նրա առողջական խնդիրներին:
«Վաղը՝ առավոտյան, դատավոր Սուրեն Խաչատրյանը պետք է որոշում կայացնի՝ արձակե՞լ նրան կալանքից, թե՞ շարունակել պահել կալանքի տակ: Հանրային լայն հետաքրքրություն է առաջացրել կալանքի վերաբերյալ մեր բողոքը, ինչի առիթով ուզում եմ ասել՝ դատավոր Խաչատրյանն ունի բավականին հարուստ կենսագրություն. քննիչ է եղել, դատախազ է եղել, լավ պատկերացնում է քրեական դատավարության ընթացակարգերն ու կանոնները, իրավագիտության ոլորտում բավականին գիտելիքներ ունի; Հիմա թե մեր այս դատավորը կլինի՞ այն դատավորներից, որը չի կատարի Փաշինյանի ասածը, կտեսնենք վաղը: Կեսօրին պարզ կլինի՝դատավորը չի՞ լսել Փաշինյանին, թե՞ լսել է Փաշինյանին»,- ասաց Փոստանջյանը:
Նրա խոսքով, երեկ դատավոր Վազգեն Ռշտունին չլսեց Փաշինյանին, երբ կայացրեց երկու արդար դատական ակտեր, որով, ըստ Փոստանջյանի, կալանքի տակ գտնվող ավագանու անդամ դեռ չդարձած Տիգրան Ավագյանն ազատ արձակվեց:
Կարդացեք նաև
Արփինե ՍԻՄՈՆՅԱՆ
