Հունական «İn.gr» կայքը, որն համարվում է ամենաընթերցվողներից մեկը, գրում է, որ Թուրքիան պատրաստվում է դառնալ Եվրոպայի ռազմական ճարտարապետության մի մասը: Նմանատիպ գնահատական տրվել է, հաշվի առնելով Թուրքիայի ռազմարդյունաբերության արտահանման աճը և «Otokar» թուրքական ընկերության և Ռումինայի միջև 857 մլն եվրո արժողությամբ «COBRA II»-ների ձեռքբերման շուրջ ստորագրված համաձայնագիրը:
«Թուրքիան ռազմարդյունաբերության արտահանման հարցում սեղմում է գազի կոճակը» խորագրով նյութում ընդգծվում է, որ հենց այդ համաձայնագիրն էլ թուրքական ընկերության համար ճանապարհ է հարթում դեպի եվրոպական շուկա:
Հարցը ռազմավարական տեսանկյունից դիտարկելիս՝ կայքը գրել է, որ ռազմական ոլորտում և ռազմարդյունաբերության մեջ իրականացված ներդրումը դիտարկվում է որպես ներդրում Թուրքիայի կողմից վարվող արտաքին քաղաքականության մեջ և հանդիսանում լուրջ եկամտի աղբյուր: Նշվում է նաև, որ Թուրքիայի ռազմական համակարգերի արդյունաբերության ծավալները գերազանցել են 7.1 դոլարը և Թուրքիան նպատակ ունի այն հասցնելու 10 մլրդ դոլարի:
«Թուրքիան տևական ժամանակ է ինչ ցանկանում է դիտարկվել որպես լուծում՝ Եվրոպան վերազինելու հարցում, բացի այդ երևում է, որ պատրաստ է նաև ստանձնել Եվրոպայի ռազմական ճարտարապետության մի մասը»,-գրում է կայքը:
Կարդացեք նաև
Աղբյուր՝ Ermenihaber.am/Ekol Tv
