«Հրապարակի» զրուցակիցը Գերագույն խորհրդի նախկին պատգամավոր Ազատ Արշակյանն է:
– Նոյեմբերի 18-ին Ազգային ժողովում նշեցիք, որ «Քաղաքացիական պայմանագիրը», մասնավորապես` Նիկոլ Փաշինյանը, ճիշտ ուղու վրա է: Հետաքրքիր է` ո՞ր ասպեկտով է ճիշտ ուղու վրա, ի՞նչ նկատի ունեք:
– Հենց այն, որ եվրաքվե է ձեւավորում, իր հետ բերում է իրավական բարեփոխումներ, տնտեսական բարեփոխումներ, հասարակական կյանքի նկատմամբ վերաբերմունք, եւ, առհասարակ, Եվրոպայի արժեքային համակարգը տեղափոխվում է Հայաստան:
– Բայց Փաշինյանն ընդամենը մի քանի ամիս առաջ Շանհայ էր գնում, նրանից ի՞նչ եվրոպամետ:
Կարդացեք նաև
– Դա ինձ համար անընդունելի էր: Օրենք են ընդունել, պետք է կատարեն: Պարտադիր է: Օգոստոսի 8-ի փաստաթղթով` Թրամփի ուղիով արեւմտականությունն ուժեղացվում է ՀՀ-ում: Ավելի ճիշտ` ինչ-որ իմաստով Հայաստանին նույնիսկ պարտադրում են ավելի լուրջ ու հետեւողականորեն գնալ դեպի ԵՄ:
– Բոլորովին վերջերս Եվրախորհրդարանի պատգամավորներ էին եկել Հայաստան եւ նշում էին, որ Հայաստանում ժողովրդավարությունը շատ վատ վիճակում է, անթույլատրելի է մարդկանց խոսքի համար կալանավորելն ու ազատազրկելը: Ի՞նչ կասեք Դուք այս մասին:
– Ինձ համար եւս անընդունելի է: Խոսքի համար չի կարելի որեւէ մեկին ենթարկել ճնշումների եւ դեռ մի բան էլ ազատությունից զրկել, բայց եթե խոսքի թիկունքում կա կազմակերպված սցենար, գործողություն, ինչպես նաեւ՝ նյութական պլանավորված գործ, ապա, այո, պետք է կալանավորել, բայց եթե նման քայլեր չեն արվել, անխոս, չի կարելի մարդկանց կալանավորել, դատապարտել: Խոսքի ազատությունը համաշխարհային արժեք է, որը պետք է հարգել: Կա մեկ նրբություն. ատելության քարոզն այլ բան է, նացիզմը եւ այլն:
Հայկ ԳԵՎՈՐԳՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
