Լրագրողների հետ ճեպազրույցում Նիկոլ Փաշինյանին հարց ուղղվեց այն մասին, թե ճի՞շտ են տեղեկությունները, որ ՊԵԿ նախագահի առաջ խնդիր է դրել ապահովել հարկային մուտքերը, եւ հարկային ծառայություններն անցնել են «հարկային տեռորի»։
«2024-ին պակասուրդ չկա, եւ 2024 թվականի պակասուրդը լրացնելու հասկացություն գոյություն չունի։ Եթե որեւէ մեկը փաստ կունենա, որ պետությունն իր որեւէ ծրագիր չի կատարել, հլա կարելի էր մտածել, բայց նման բան չկա։ Հետեւաբար, չկա ձեր ասածի շարունակությունը։ Իմ հանձնարարականը մեր պետական մարմիններին հետեւյալն է՝ ես ասում եմ, որ Հայաստանի Հանրապետության որեւէ հարկ վճարող չպետք է հիմք ունենա ասելու, որ կառավարությունը կամ հարկային մարմիններն իրենցից գանձել են թեկուզ մեկ լումա ավել։ Սա շատ հստակ հանձնարարական է։ Բայց շարունակությունն է կա՝ ես ասում եմ, որ չպետք է նաեւ Հայաստանում լինի հարկային պարտավորություններից խուսափելու որեւէ մեխանիզմ կամ պրակտիկա»,- ասաց նա։
Մանրամասները՝ տեսանյութում
Կարդացեք նաև
Փաշինյանն ասաց, որ տնտեսվարողներից այդ հարցերով բողոքի նամակներ ստացել է, նրանց կհրավիրեն քննարկման․ «Եվ եթե մեր կողմից ինչ-որ թյուրըմբռնում բացահայտվի, մենք անպայման կուղղենք։ Եթե մենք որեւէ մեկից ավել գումար ենք վերցրել, այդ գումարը կվերադարձնենք»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
