Արա Ռոստոմյանի նկատմամբ դատարանը կիրառեց բացակայելու արգելք ու վարչական հսկողություն, վերացրեց տնային կալանքը: Դատարանը, միաժամանակ, արգելեց մեղադրյալին այցելել մարդաշատ վայրեր:
Հունիսի 26-ից կալանքի տակ գտնվող Արա Ռոստոմյանի՝ 44 օրյա պատերազմում զոհված Հակոբ Ռոստոմյանի հոր խափանման միջոցի հարցը քննելիս՝ խոսվեց նաև նրան՝ Եռաբլուր զինվորական պանթեոն այցելելու թույլտվություն տալու մասին։
Փաստաբանը դատարանին պարզաբանեց, որ «առնվազն» բառը հայերենում ունի «ամենաքիչը, նվազագույնը» իմաստը, ոչ թե «առավելագույնը», ուստի, երբ նշվում է, որ նա առնվազն երկու անգամ իրավունք ունի այցելելու, դա նշանակում է ամենաքիչը երկու անգամ կարող է այցելել։
«Ցանկացած ծնողի համար Եռաբլուր չայցելելը իր հոգու կանչով ցանկացած պահի հավասարազոր է մահվան, հետևաբար քննարկելով Արա Ռոստոմյանի տնային կալանքի հարցը՝ խնդրում եմ հաշվի առնել, որ նրան երկու անգամ թույլատրելով այցելել Եռաբլուր, դուք նրան զրկում եք ոչ միայն ազատությունից, այլ կյանքի իրավունքից», -ասաց փաստաբանը։
Կարդացեք նաև
Նա նաև նշեց, որ տնային կալանք չի կարող կիրառվել հայրենիքի համար ամենաթանկը տված անձի նկատմամբ։ Փաստաբանը նաև ասաց, որ պարոն Ռոստոմյանին դատարան բերելը դժվարացել է ոստիկանների պատճառով։ Այս ամենը հաշվի առնելով՝ պետք է ավելի նվազ խափանման միջոց կիրառել։
Դատարանը, ըստ էության, հաշվի առավ մեջբերված փաստարկները։
Հիշեցնենք՝ դատավոր Կարեն Ֆարխոյանի նախագահությամբ շարունակվում են «Սրբազան պայքար»-ի առաջնորդ Բագրատ սրբազանի և 17 աջակիցների նախնական դատալսումները։
Մանրամասն՝ ավելի ուշ
