«Այս պահի դրությամբ որեւէ փաստական հիմք չկա այդ մարդկանց քաղբանտարկյալներ ներկայացնելու։ Քաղբանտարկյալներ հիմնականում Հայաստանում եղել են 2008 թվականի մարտի 1-ից հետո, ամենաշատն այդ ժամանակ է խոսվել քաղբանտարկյալների առկայության վերաբերյալ»,- ԱԺ պետաիրավական հարցերի հանձնաժողովի նիստում «Հայաստան» խմբակցության պատգամավոր Էլինար Վարդանյանին դիմեց իշխող կուսակցության պատգամավոր Ալխաս Ղազարյանը։
Ըստ իշխող պատգամավորի, հենց այն ժամանակ է «դիմահար կրակով» Հայաստանում ժողովրդավարությունից հետընթաց եղել, երբ Երեւանում ոչ միայն 10 մարդ զոհվեց, այլ «սպանվեց ժողովրդավարությունը»։
Հիշեցնենք, խորհրդարանում քննվում է ընդդիմադիր խմբակցությունների ներկայացրած՝ ՀՀ-ում առկա քաղբանտարկյալների եւ նրանց խախտված իրավունքների վերականգնման մասին հայտարարության նախագիծը։
Էլինար Վարդանյանը նկատեց՝ իշխանությունը հարցը կրկին տանում է նախկին-ներկա հարթություն եւ հավելելով, այն, որ նախկինում եղել են խնդիրները, որը ոչ ոք չի հերքում, չի նշանակում, որ այժմ պետք է չխոսել քաղբանտարկյալների առկայության մասին։
Կարդացեք նաև
«Այսօր են մարդիկ բանտերում գտնվում։ Նախկինում երբեք երեք երկու արքեպիսկոպոս եւ մեկ եպիսկոպոս բանտարկված չի եղել»,- ասաց նա։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
