«Հայաստանում այսօրվա դրությամբ քաղբանտարկյալներ բացարձակապես գոյություն չունեն։ Դա ձեր կողմից սին ապատեղեկատվություն է, որն ուզում եք շրջանառել մեր երկրում»,- ԱԺ պետաիրավական հարցերի մշտական հանձնաժողովի նիստում հայտարարեց 2008 թվականի մարտի 1-ին զոհված Գոռ Քլոյանի քույրը՝ ՔՊ-ական պատգամավոր Անուշ Քլոյանը։
Իշխանական պատգամավորի փոխանցմամբ՝ խոսելով երկրում քաոսի եւ բռնաճնշումների մասին, ընդդիմությունը ցանկանում է վախի մթնոլորտ ստեղծել երկրում։ Ինքը վստահ է, որ ընդդիմությունը սխալվում է․ «Մեր քաղաքացիները շատ լավ գիտեն՝ ով՝ ով է»։
Նախագիծը ներկայացնող Էլինար Վարդանյանն իշխանական պատգամավորին խորհուրդ տվեց՝ վախի մթնոլորտի մասին հարցնել այն քաղաքացիներին, ովքեր արդեն իրենք են իրենց գրաքննում, որ հանկարծ չարժանանան այն քաղբանտարկյալների ճակատագրին, ովքեր իրենց մեկ բառի համար հայտնվել են քրեակատարողական հիմնարկներում։
Մանրամասները՝ տեսանյութում
Կարդացեք նաև
Այսօր ԱԺ պետաիրավական հարցերի մշտական հանձնաժողովում քննարկվում է «Հայաստան» եւ «Պատիվ ունեմ» խմբակցությունների ներկայացրած նախագիծը՝ Հայաստանում քաղբանտարկյալների առկայության մասին։ Իսկ նոյեմբերի 26-ին ընդդիմադիր խմբակցությունները լսումներ են հրավիրել նույն թեմայով։ Երեկ նաեւ նամակ-հրավեր փոխանցվեց ՀՀ գլխավոր դատախազություն՝ լսումներին մասնակցելու համար։
Ամբողջական տեսանյութը՝ այստեղ
Նելլի ԳՐԻԳՈՐՅԱՆ


















































