Մեր իրականությունում առաջին անգամ հիբրիդային պատերազմ է սկսվում նաև անվանի արվեստագետների դեմ։ Ա. Սպենդիարյանի անվան օպերայի և բալետի ազգային ակադեմիական թատրոնի տնօրեն, մաեստրո Կարեն Դուրգարյանը իր ֆեյսբուքյան էջում գրառում է արել. «Այս պահին, իմ նկարով նամակներ են տարածվում WhatsApp հավելվածում, ինչի հետ ես բացարձակապես կապ չունեմ»:
Նույնաբովանդակ գրություն է արել ԿԳՄՍ նախարարի տեղակալ Դանիել Դանիելյանը. «Հարգելի ընկերներ, հիբրիդային զինվորիկները ինձ էլ հասան, խնդրում եմ չպատասխանել WhatsApp հավելվածում բացված այս կեղծ օգտահաշվին»:
Սամվել ԴԱՆԻԵԼՅԱՆ


















































