Aravot.am–ի տեղեկություններով, Գյումրու 38-ամյա բնակիչներից մեկը նոյեմբերի 16-ին զանգահարել է ոստիկանության Շիրակի մարզի օպերատիվ կառավարման կենտրոն և հայտնել, որ ցանկանում է վերջ տալ կյանքին՝ կախվել։
Նա ոստիկաններին խնդրել է կնոջը փոխանցել, որ նրան շատ է սիրում և թող իր մահվան մեջ թող ոչ ոքի չմեղադրի։
Տղամարդը ոստիկաններին հեռախոսով փոխանցել է, որ 16 տարի պայմանագրային ծառայող է եղել, պատերազմի մասնակից է, այս պահին գործազուրկ է։
Օպերատիվ խումբը՝ ավագ համայնքային ոստիկան Խաչատրյանի գլխավորությամբ տղամարդուն հայտնաբերել ու բերել են Գյումրու ոստիկանության Մուշ բաժին։
Կարդացեք նաև
Նա անկեղծացել է, որ գտնվում է սոցիալական վատ պայմաններում ու լինելով ոգելից խմիչքի ազդեցության տակ՝ նման ցանկություն է հայտնել, սակայն ոչ մի գործողություն չի կատարել։ Ստուգվել է տղամարդու սթափության աստիճանը՝ 1,399 մգ/լ։
Փաստաթղթերն ուղարկվել են Շիրակի մարզի քննչական բաժին։
