«Երբեմնի երկիր Հայաստանը, որը թանգարան էր բաց երկնքի տակ, այսօր բանտ է բաց երկնքի տակ»,- «ՀՀ-ում առկա քաղբանտարկյալների եւ նրանց խախտված իրավունքների վերականգնման մասին» լսումների ժամանակ հայտարարեց ՀՀԿ փոխնախագահ Արմեն Աշոտյանը։
Նա ցավով նշեց՝ դեռևս ընդդիմադիր դաշտում խաղում ենք «սվոյ, չուժոյ» խաղը․ «Ասում ենք՝ սա իմ քաղբանտարկյալն է, էն մեկն իմը չէ։ Քաղբանտարկյալների գոյությունը «Միսս տիեզերք» չէ, որ մարդ իր սիրած քաղբանտարկյալին ընտրի։ Այս բոլոր հարցերը պետք է բարձրաձայնվեն»։
Ըստ Արմեն Աշոտյանի՝ քաղբանտարկյալների գոյությունը միայն անձնական պատմություն չէ, նաև քաղաքական հիվանդության ախտորոշում է․ «Օրերս կարդացի, որ Ֆրանսիայի նախկին նախագահ Սարկոզին 20-օրյա բանտային կյանքի մասին գիրք է գրել, պատկերացնո՞ւմ եք՝ Մամիկոն Ասլանյանը 2,7 տարվա բանտային կյանքի մասին, որ գրեր, «война и мир» կլիներ»։
Կարդացեք նաև
Լսումներն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
