«Խոսում են այն մասին, որ անկլավներ կան՝ պետք է վերադարձնենք։ Հետո ասում են՝ սահմանազատում անելիս կորոշենք։ Որ դուք պիտի սահմանազատում անեք, ի՞նչ գիտեք՝ անկլավ կա։ Ո՞նց կարելի է երկրի հետ տենց խաղալ»,-«ՀՀ-ում առկա քաղբանտարկյալների եւ նրանց խախտված իրավունքների վերականգնման մասին» լսումների ժամանակ այսպիսի հարցադրում արեց ՀՀ նախկին վարչապետ Հրանտ Բագրատյանը։
Նա, անդրադառնալով իշխող ուժի տարբեր գործիչների հայտարարություններին Տիգրանաշենը Ադրբեջանին տալու, փոխարենն Արծվաշենը ստանալու մասին՝ ասաց․ «Ասում են՝ սահմանազատում չարած, պիտի Քյարքին տանք։ Ասում եմ՝ 1988-ի հունվարի 12-ին ստորագրված թուղթ կա, որ Քյարքի անկլավ գոյություն չունի։ Եկել են, թուրքերն այդտեղ ապրելուց են եղել, նույնը Սոֆլուն ու Բարխուդարլուն։ Արդեն պատրաստվում են դրանք տալ։ Ասում են՝ միգուցե Արծվաշենն էլ ստանանք։ Նույն 1988-ի թղթով Արծվաշենն իրոք մերն է։ Բայց Սոֆլու, Բարխուդարլու, Քյարքի՝ իբրև ադրբեջանական բնակավայրեր գոյություն չունեն»։
Հրանտ Բագրատյանը ահազանգեց՝ եթե Քյարքիի՝ Տիգրանաշենի հատվածը տանք Ադրբեջանին, հանրապետությունը կկտրվի հարավից։
Կարդացեք նաև
Լսումներն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
