Aravot.am-ի տեղեկություններով՝ Կապանի բնակչուհի Անահիտ Հակոբյանը նույնպես facebook-յան գրառման համար իրավապահների թիրախում է հայտնվել:
Նոյեմբերի 13-ին «Mamul.am» կայքի ֆեյսբուքյան էջում հրապարակված «Ես չէի կարող չդիմել իրավապահներին, դիմել եմ և լավ եմ, արել, բա ի՞նչ պիտի անեի. Ալեն Սիմոնյան» խորագրով տեսանյութի տակ Հակոբյանի թողած «վիզը կտրել է պետք էդ թուրքի» մեկնաբանությունը իրավապահները դիտարկել են որպես զանգվածային լրատվական միջոցներն օգտագործելով ՀՀ ԱԺ նախագահ Ալեն Սիմոնյանի նկատմամբ բռնություն գործադրելու հրապարակային կոչ:
Մեր տեղեկություններով՝ առերևույթ հանցանքի մասին հաղորդումը ուղարկվել է ՀՀ քննչական կոմիտե՝ քրեական վարույթ նախաձեռնելու հարցը որոշելու համար:
Կարդացեք նաև
Նույն բախտին է արժանացել նաեւ քաղաքացի Քաջիկ Մարգարյանը: Վերջինս նոյեմբերի 13-ին «Shabat.news» կայքի ֆեյսբուքյան էջում հրապարակված «ՀՀ-ն չունի խաղաղության մասին գիտելիք. Փաշինյան» խորագրով տեսանյութի ներքո է մեկնաբանություն թողել ու կրկին զանգվածային լրատվության միջոցներն օգտագործելով ՀՀ Վարչապետ Նիկոլ Փաշինյանի նկատմամբ բռնություն գործադրելու հրապարակային կոչի համար պոտենցիալ «մեղադրյալ» դիտարկվել: Այս դեպքում էլ առերևույթ հանցանքի մասին հաղորդումը ուղարկվել է ՀՀ քննչական կոմիտե՝ քրեական վարույթ նախաձեռնելու հարցը որոշելու համար:
Արփինե ՍԻՄՈՆՅԱՆ
