ԱԺ արտահերթ նիստում այսօր ԱԺ նախագահ Ալեն Սիմոնյանն անդրադարձավ օդի աղտոտվածության խնդրին։
«Մենք լուրջ խնդիր ունենք՝ խոսքը վերաբերում է օդի աղտոտվածությանը։ Եվ ամբողջ հանրապետությունով մեկ աղտոտվածության աստիճանը շատ բարձր է, Երեւանը իր դիրքի պատճառով ինչ-որ ձեւով արդեն ոնց որ կուտակային մաս լինի, Երեւանում էլ է նորման 3-4 անգամ բարձրացել։ Երեկ նաեւ վարչապետը հայտարարեց, որ խումբ է ստեղծվում, եւ զբաղվելու են այդ հարցով։ Ես կարծում եմ, որ մենք շատ անլուրջ ենք վերաբերվել, բոլորիս մեղքը կա կլիմայի ու էկոլոգիայի հետ կապված հարցերին։ Եվ ուզում եմ տեղեկացնել, որ զարմանալ, դժգոհել չլինի՝ մենք էս հարցը պետք է օրենսդրական առումով լուծենք։ Ես ենթադրում եմ, որ օրենսդրական նախաձեռնություններ կլինեն, որոնք ինչ-որ խմբերի կվերաբերեն։ Մենք պետք է որոշենք՝ կամ թույն ենք շնչում, տարբեր քաղցկեղային եւ մնացած հիվանդություններից մեր հարազատներին կորցնում ենք, կամ որոշումներ ենք կայացնում»,- ասաց նա։
Մանրամասները՝ տեսանյութում
Կարդացեք նաև
Ալեն Սիմոնյանը հավելեց․ «Սենց չի լինի, զգուշացնում եմ՝ օրենսդրական նախագծեր են լինելու։ Էն մեքենաները, որոնք հին են, աղտոտում են եւ էն կազմակերպությունները, որոնք շինարարություն են իրականացնում եւ չեն պահում կանոնները, ավազի հանքերը եւ անցած բոլոր այդ բաները շատ խիստ կարգավորումների տակ են ընկնելու»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
