Զարուհի Փոստանջյանը, որին երեկ ուշ երեկոյան չէին թույլատրում մտնել ԱԱԾ-ի մեկուսարան ու տեսակցել իր պաշտպանյալին՝ Վարդան Ղուկասյանին, առավոտյան հանդիպել է նրան։ Նա մանրամասներ է ներկայացնում Գյումրու քաղաքապետի առողջական վիճակի մասին։
«Վարդան Ղուկասյանը գիշերը մի կերպ է լուսացրել, այս պահի դրությամբ ունի բարձր շաքար, նա անձամբ ինքն է ստուգում ու վերահսկում այդ շաքարի պարունակությունը արյան մեջ։ Գանգատները հիմնականում գլխապտույտի, տեսողության ու ականջներում խշշոցի հետ է կապված, թուլություն, սրտխառնոց։
Գիշերը գրեթե չի քնել, այս պահի դրությամբ նրան որևէ բժիշկ չի այցելել՝ չնայած նրան, որ դա անհրաժեշտ է և պարտադիր է։
Նաև խցային պայմանները շարունակում են մնալ նույնը, այն խուցն է, որտեղ չկա օդափոխություն, չկան պայմաններ, այդ նույն խցում են նրան պահում։
Կարդացեք նաև
Եվ կարող ենք ասել, որ այս խցային պայմանները և նրա առողջական վիճակը դիտավորյալ են այսպես անում, ինչը մենք տեսնում ենք այլ կալանավորների դեպքում․ կալանավորները պատշաճ բուժօգնություն չեն ստանում և մահանում են»,- ասաց Զարուհի Փոստանջյանը։
Նա նշեց, որ շարունակելու է բողոքներ ներկայացնել, որպեսզի Գյումրու քաղաքապետին տեղափոխեն հիվանդանոց։
Ըստ փաստաբանի, նրա մոտ շնչառական խնդիրներ ևս կան, պատուհանն են բացել, որ օդ խաղա։
Նունե ԱՐԵՎՇԱՏՅԱՆ
