Լրահոս
Օրվա լրահոսը

Գլխավոր դատախազությունում մեկնարկել է «Ֆինանսական հանցագործություններին առնչվող ֆինանսական քննություններ» թեմայով տարածաշրջանային վերապատրաստումը

Նոյեմբեր 29,2025 13:15

Հայաստանի Հանրապետության գլխավոր դատախազությունում 2025 թվականի նոյեմբերի 29-ին մեկնարկել է «Ֆինանսական հանցագործություններին առնչվող ֆինանսական քննություններ» թեմայով տարածաշրջանային վերապատրաստումը, որին մասնակցում են Հայաստանի, Ուկրաինայի և Մոլդովայի իրավապահ մարմինների շուրջ 2 տասնյակ ներկայացուցիչներ:

Տարածաշրջանային քառօրյա վերապատրաստումն իրականացվում է Եվրոպական միության Իրավապահ մարմինների վերապատրաստման գործակալության (CEPOL) կողմից՝ «Կազմակերպված հանցավորության դեմ պայքարի ոլորտում վերապատրաստման և գործնական համագործակցության» ծրագրի շրջանակներում։

Վերապատրաստման դասընթացում ներգրավված են դատախազներ, քննիչներ և ոստիկաններ:

Վերապատրաստման նպատակը ֆինանսական հանցագործություններին ու խարդախություններին առնչվող ֆինանսական քննություններով իրավապահ մարմինների կարողությունների ամրապնդումն ու համագործակցության զարգացումն է։

ՀՀ գլխավոր դատախազի տեղակալ Եղիազար Ավագյանը ողջունել է վերապատրաստման մասնակիցներին Հայաստանի Հանրապետության գլխավոր դատախազությունում և ընդգծել, որ ֆինանսական հանցագործությունների բացահայտումը պահանջում է գիտելիքներ, գործնական հմտություն և գործընկեր երկրների հետ հետևողական համագործակցություն։ Եղիազար Ավագյանը կարևորել է նման վերապատրաստումների նշանակությունը՝ ընդգծելով, որ դրանք նպաստում են իրավապահ մարմինների ներկայացուցիչների մասնագիտական կարողությունների զարգացմանն ու պրոֆեսիոնալ համագործակցության ամրապնդմանը:

Քառօրյա դասընթացի շրջանակում անդրադարձ է կատարվելու նախաքննության փուլում ֆինանսական ապացույցների ձեռքբերման մեթոդներին և գործիքներին, ֆինանսական տվյալների հավաքագրմանն ու վերլուծությանը՝ ելնելով երկրների առանձնահատկություններից ու առաջնահերթություններից։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅՈՒՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2025
Երկ Երե Չոր Հնգ Ուրբ Շաբ Կիր
« Հոկ    
 12
3456789
10111213141516
17181920212223
24252627282930