Նիկոլ Փաշինյանը Սուրբ Սարգիս եկեղեցում այսօր մասնակցելու է պատարագի։ Այստեղ են եկել նաեւ ՔՊ-ական պատգամավորներ ու այլ պաշտոնյաներ։
«Մեր ձեւով» շարժման համակարգող Նարեկ Կարապետյանը նույնպես իր համախոհների հետ մասնակցելու է պատարագին, նա այցելեց եկեղեցի։
Ավելի վաղ Նարեկ Կարապետյանը հայտնել էր, որ ինքը եւս մասնակցելու է պատարագին, քանի որ վերջին 15 տարիներին ամեն կիրակի մասնակցել է Սուրբ Սարգիս եկեղեցու պատարագներին։ «Այս եկեղեցին իմ հոգևոր առողջարանն է, եւ քաղաքական տուրիստների պատճառով ես չպետք է հրաժարվեմ այնտեղից։ Իհարկե, դժվար կլինի կենտրոնանալ եւ հաղորդվել պատարագի խորհրդին, քանի որ այնտեղ կլինի մի մարդ, ով պատասխանատու է վերջին տարիների Հայաստանը պատած ողբի համար։ Բայց կփորձեմ»։
Պատարագը մատուցելու է Երևանի Ս. Երրորդություն եկեղեցու սպասավոր Արարատ քահանա Օրդոյանը, այս մասին հայտնել է Արարատ քահանա Պողոսյանը։
«Պատարագը պետք է մատուցի Երևանի Ս. Երրորդություն եկեղեցու սպասավոր Արարատ քահանա Օրդոյանը, որը, եթե համարձակվի պատարագի կանոնից զեղչել և չհիշատակել Ամենայն հայոց կաթողիկոսի անունը, ապա դրանից հետո հավատացյալները նրան կարող են դիմել ոչ թե Տեր Արարատ, այլ` Տեր Արաբաթ»,- հայտարարել է Արարատ քահանա Պողոսյանը։
Կարդացեք նաև
Արարատ քահանա Օրդոյանը չպատասխանեց լրագրողների հարցին՝ ի՞նքն է մատուցելու պատարագը եւ արդյոք հիշատակելո՞ւ է Վեհափառի անունը։
Ռոզա ՀՈՎՀԱՆՆԻՍՅԱՆ
