Լրահոս
Օրվա լրահոսը

Ինքնավնասումից հետո այրել է իր հագուստը

Նոյեմբեր 30,2025 23:00
bant

Աշխարհի բոլոր քրեակատարողական հիմնարկներում պարբերաբար ինքնավնասման դեպքեր, պատիժ կրող անձանց միջեւ վեճեր արձանագրվում են։ Հայաստանի քրեակատարողական հիմնարկներում ինքնավնասման բոլոր դեպքերը հաշվառվում են, վերլուծվում, սոցիալ-հոգեբաններն աշխատում են ինքնավնասողների հետ։

«Արմավիր» քրեակատարողական հիմնարկում,  ըստ Aravot.am-ի աղբյուրների, 37-ամյա կալանավորված անձը  նոյեմբերի 20-ին ձախ նախաբազկի շրջանում մեկանգամյա օգտագործման ածելու սայրով կատարել է ինքնավնասում։ Ինքնավնասում կատարած անձը բանավոր հայտարարել է, որ ինքնավնասմամբ պահանջել է իրեն տեղափոխել հոգեբուժարան։

4 օր անց՝  նոյեմբերի 24-ին նույն անձը մեկանգամյա օգտագործման ածելիի սայրով աջ ձեռքի եւ որովայնի աջակողմյան նախաբազուկների շրջանում կատարել է ինքնավնասում։ Այս անգամ նրա խցում չնախատեսված խուզարկություն է կատարվել, բայց արգելված իրեր չեն հայտնաբերվել։

30-ամյա մեկ դատապարտյալ էլ  նոյեմբերի 22-ին եւ 23-ին մեկանգամյա օգտագործման ածելու սայրով պարանոցի աջակողմյան եւ որովայնի շրջանում, ապա աջ եւ ձախ ձեռքերի նախաբազուկների եւ պարանոցի ձախակողմյան հատվածում կատարել է ինքնավնասում։ Ըստ դատապարտյալի՝ ինքնավնասումները կատարել է հոգեպես հուզված վիճակում։ Ինքնավնասումից հետո նա խցում այրել է իր անձնական հագուստը։ Անմիջապես սահմանված կարգով քրեակատարողական հիմնարկի աշխատակիցները բացել են  խցի դուռը եւ մարել  կրակը:

51-ամյա կալանավորված անձանցից մեկն էլ մեկանգամյա օգտագործման ածելու սայրով պարանոցի աջակողմյան հատվածում է կատարել ինքնավնասում։ Չնախատեսված խուզարկության արդյունքում նրա խցում հայտնաբերվել են 2 հատ մեկանգամյա օգտագործման ածելու սայրերը:

30-ամյա մի այլ դատապարտյալ, գտնվելով  հոգեպես անհավասարակշիռ վիճակում, մեկանգամյա օգտագործման ածելու սայրով ձախ ձեռքի նախաբազկի շրջանում կատարել է ինքնավնասում։

Նոյեմբերի 23-ին պարանոցի աջ հատվածում 53-ամյա դատապարտյալը ինքնավնասում է կատարել ու պահանջել, որ իրեն տեղափոխեն հիվանդանոց։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2025
Երկ Երե Չոր Հնգ Ուրբ Շաբ Կիր
« Հոկ    
 12
3456789
10111213141516
17181920212223
24252627282930