Հայաստանում քաղբանտարկյալներ չկան, ընտրովի արդարադատություն էլ չի իրականացվում․ խորհրդարանում, լրագրողների հետ զրույցում ասաց ՀՀ արդարադատության նախարար Սրբուհի Գալյանը։
Նախարարն ասաց՝ խնդիր տեսնում է, որ դատարանները կալանքները շատ են կիրառվում, բայց չի կարծում, որ դատավորները դա անում են քաղաքական նպատակներից ելնելով․ «Եթե նման բան լինի՝ անհետեւանք չի մնա»։
Պատասխանելով սահմանադրական բարեփոխումների մասին լրագրողների հարցերին էլ նա ասաց, որ սահմանադրական բարեփոխումների խորհրդում մինչ այժմ քննարկվել են ԱԺ լիազորություններին, ընտրակարգին վերաբերվող հարցեր, քվեարկությամբ հաստատվել է կայուն մեծամասնության ինստիտուտի գործունեությունը վերափոխելու հարցը, ԱԺ լուծարման, ԱԺ էթիկայի հանձնաժողով ստեղծելու մասին եւ այլ հարցեր։
Սրբուհի Գալյանը մանրամասնեց՝ ԱԺ լուծարման համար սահմանվել է ինքնալուծարման տարբերակը, որպեսզի արհեստական լուծարման համակարգերը բացառվեն։ Կայուն մեծամասնության ինստիտուտի մասով էլ, եթե ընտրական առաջին փուլի ավարտից հետո որեւէ քաղաքական ուժ չի հավաքում բացարձակ մեծամասնություն կամ կոալիցիաներ չեն ձեւավորվում՝ ապա ընտրությունների արդյունքները չեղարկվում են եւ նոր ընտրություններ են նշանակվում։ Եթե երկրորդ ընտրությունների արդյունքում էլ մեծամասնական ուժը չձեւավորվի, այդ դեպքում նոր կլինի երկրորդ փուլ՝ գործող կարգավորումներով։
Կարդացեք նաև
Մանրամասները քիչ ուշ՝ տեսանյութում
Նելլի ԳՐԻԳՈՐՅԱՆ
