Հայաստանում քրիստոնեության ընդունումից հետո Եկեղեցին իր կառավարման տակ վերցրեց խնամքն ու առողջությունը։
Երեւանում Բագրատ արքեպիսկոպոս Գալստանյանի «Ինքներս մեզ հաղթելով» գրքի քննարկում-շնորհանդեսի ժամանակ ասաց հանրային առողջության եւ առողջապահության կառավարման մասնագետ, Կանադայի Սայմոն Ֆրեյզեր համալսարանի ավագ դասախոս Եկատերինա Թաիրյանը։
Կալանավորված Բագրատ Սրբազանի «Ինքներս մեզ հաղթելով» գրքում հեղինակն անդրադառնում է այդ թվում Հայաստանի հանրային առողջությանը եւ բժշկագիտական հայկական պատմությանը։ Գիրքը լույս է սփռում պատմության ընթացքում բժշկագիտության ոլորտում Հայ առաքելական եկեղեցու դերի մասին։
Թաիրյանը մատնանշեց գրքի բժշկագիտական գլխի կարեւորագույն շեշտադրումները։
Կարդացեք նաև
Հայաստանում քրիստոնեության ընդունումից հետո Եկեղեցին հատուկ նշանակություն է տվել բժշկագիտությանը։ Հայերեն են թարգմանվել Հիպոկրատի, Արիստոտելի, Պլատոնի գործերը։ Բժշկագիտությանն են անդրադարձել հայ մտածողներ, ինչպիսիք են Մխիթար Հերացին, Մխիթար Սեբաստացին, Մխիթար Գոշը եւ Ամիրդովլաթ Ամասիացին։
Թաիրյանի խոսքով՝ Բագրատ Սրբազանը գրում է առողջապահական հատվածում սոցիալական արդարության հաստատման անհրաժեշտության մասին։
Բժիշկը, հղում է անում Թաիրյանը, ծառայում է մարդու հոգեւոր եւ ֆիզիկական ամոքմանն ու վերականգնմանը, տառապողների մխիթարմանը, հիվանդի շահերի պաշտպանությանը:
Արսեն ԱՅՎԱԶՅԱՆ
