Կառավարության դեկտեմբերի 4-ի նիստում Տարածքային կառավարման ենթակառուցվածքների նախարարի տեղակալ Արմեն Սիմոնյանը ներկայացրեց այն հարցը, որով առաջարկվում էր ընդունել Կոտայքի մարզի Գառնի համայնքի սեփականություն հանդիսացող 0,11 հա մակերեսով հողամասի նվիրատվությունը Հայաստանի Հանրապետությանը:
Նա տեղեկացրեց, որ դատախազության ուսումնասիրության արդյունքում պարզվել էր, որ այդ հողամասի նկատմամբ գրանցվել է համայնքի, ապա՝ քաղաքացու սեփականության իրավունք, սակայն դատախազության միջնորդագրի քննարկման արդյունքում գույքի նկատմամբ վերականգնվել է համայնքի սեփականության իրավունքը: Եվ այժմ առաջարկվում է ընդունել գույքի նվիրատվությունը պետությանը՝ հետագա ապօրինի օտարումը կամ այլ խախտումները բացառելու նպատակով: Նա նմանօրինակ այլ գույքերից էլ խոսեց:
ՀՀ գլխավոր դատախազ Աննա Վարդապետյանը նշեց, որ այդ գույքը գտնվում է «Քարերի սիմֆոնիա» բնության հուշարձանի տարածքում եւ պարզաբանեց, թե ինչու պետք է վերադարձվի հենց Շրջակա միջավայրի նախարարությանը:
Կարդացեք նաև
«Այսինքն՝ «Քարերի սիմֆոնիայի» մի հատված սեփականաշնորհված է եղել ֆիզիկական անձի կողմից, եւ արձանագրելով, որ դա ապօրինի է, չէր կարող սեփականաշնորհվել, որովհետեւ հողային օրենսգրքի 60-րդ հոդվածի հող է, այդ կետից չենք վերադարձնում համայնքին, այլ վերադարձնում ենք Շրջակա միջավայրի նախարարությունը»,-նշեց Փաշինյանը:
Կառավարության նիստն ամբողջությամբ
Գոհար ՀԱԿՈԲՅԱՆ
