Պատասխանելով լրագրողի այն թեմայով հարցին, որ ԱԱԾ-ն գնացել է հոգեւորականի մոտ եւ առաջարկել Վեհափառի անունը պատարագի ժամանակ չհնչեցնել, ճեպազրույցի ժամանակ Նիկոլ Փաշինյանն այսպես արձագանքեց. « Ես գնում եմ այն պատարագներին, որտեղ Կտրիճ Ներսիսյանի անունը չի հնչում:
Երբ ես մտադիր եմ մասնակցել պատարագի, մենք խնդրում ենք, որ այս փաստը, որ նա կաթողիկոս չէ, հաշվի առնվի:
Մի դեպքում դա կարող է լինել ծանոթ լինել, կարող է ԱԱԾ աշխատող լինել, մյուս դեպքում կարող է որեւէ տեղ աշխատող չլինել, այլ դեպքում կարող է բարեկամ լինել, կարող է իմ օգնականը լինել…դա կախված է նրանից՝ ով ում է ճանաչում եւ ինչ կապեր ունի»:
Նա նաեւ ասաց, որ ԱԱԾ ծառայողները միայն իր պատարագ գնալու առիթով չեն շփվում հոգեւորականների հետ, կան նաեւ շատ հայտնի եւ անհայտ առիթներ եւս: «Այնպես որ շատ մի նեղվեք դրանից»,-ասաց Փաշինյանը:
Կարդացեք նաև
Ճեպազրույցն ՝ ամբողջությամբ
Գոհար ՀԱԿՈԲՅԱՆ
