44-օրյա պատերազմի զեկույցում կան դրվագներ, որոնք կարող են հասանելի դառնալ հանրությանը․ խորհրդարանում լրագրողների հետ զրույցում ասաց ԱԺ պաշտպանության եւ անվտանգության հարցերի հանձնաժողովի նախագահ, իշխող «Քաղաքացիական պայմանագիր» խմբակցության պատգամավոր Անդրանիկ Քոչարյանը։
«Կյանքը ցույց կտա, թե ինչպե՞ս կզարգանան իրադարձությունները։ Խնդրում եմ համբերատար լինել։ Սա այն զեկույցն է, որ չի կարող երկար մնա գաղտնի վայրում, ինքը պետք է իր ճանապարհը հարթի»,-ասաց նա։
Անդրանիկ Քոչարյանը սուտ որակեց ընդդիմադիր «Հայաստան» խմբակցության պատգամավոր Սեյրան Օհանյանի պնդումը, որ Արցախը հայաթափվել է «որոշ կուսակցական ծրագրերի շրջանակներում»․ «Եթե 44-օրյա պատերազմի ժամանակ շփման գիծը ամրացված լիներ… Այն ժամանակ մենք տեսել ենք մենակ բանկա-բութուլկեքը։ Սեյրան Օհանյանը չի ունեցել էդ հնարավորությունը՝ ամրոցներ կառուցելու համար, քանի որ այն ժամանակ գումարները գնում էին դղյակների կառուցելու վրա, մինչդեռ այսօր գումար է ծախսվում անվտանգության ամրապնդման վրա»։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
