Ներկա իշխանությունը (ինչպես եւ անկախ Հայաստանի նախորդ, Խորհրդային Միության եւ մնացած բոլոր ավտորիտար երկրների իշխանություններն էին անում) պնդում է, որ մեր երկրում քաղբանտարկյալներ չկան: Նրանք, ում մենք քաղբանտարկյալ ենք համարում, պարզապես քրեական հանցագործներ են կամ մեղադրվում են այդպիսի հանցագործություններ կատարելու մեջ:
Այս առումով Հայաստանի իշխանությունների «արդարացումները» տեղավորվում են ժանրի դասական կանոնների մեջ: Բայց այդ սովորական ստերի կաթսայի մեջ կա մի հավելում, որը, որքան էլ պարադոքսալ թվա, ճշմարտության ակնարկներ ունի իշխանության իրական մոտիվների մասին: Ուղիղ իրավապահ մարմինները դա չեն ասում, բայց քաղաքական-քարոզչական մակարդակով դա բարձրաձայնվում է ամեն օր:
Քրեական մեղադրանքների քարոզչական «հավելումն» այն է, որ քաղաքական եւ «եկեղիցական» գործերով հետապնդվողները, անկախ նրանից, թե ինչ հոդված են նրանց «կպցրել», իրականում պետության թշնամիներ են: Ըստ պաշտոնական դիցաբանության՝ մեր գլխավոր թշնամին Ռուսաստանն է, իսկ Փաշինյանի բոլոր ընդդիմախոսները (եւ ոչ միայն ընդդիմախոսները, այլեւ այս կամ այն պատճառով նրան դուր չեկող հոգեւորականները) Ռուսաստանի գործակալներ են, 5-րդ շարասյուն են, «հիբրիդային պատերազմի» մարտիկներ են:
Իսկ եթե այդպես է, եթե նրանք այդքան վտանգավոր մարդիկ են, ապա նրանց հետ կարելի է անել ամեն ինչ՝ մի քիչ էլ օրենք խախտել, մի քիչ էլ գործ կարել՝ բոլոր մեթոդներն արդարացված են: Չէ՞ որ նրանք ահռելի վտանգ են ներկայացնում պետության համար: Եվ ստացվում է, որ, թեեւ հետապնդումը իբր «քրեական» է, իշխանությունը յուրովի եւ անուղղակիորեն հաստատում է, որ այն քաղաքական է:
Կարդացեք նաև
Այդ մոտեցումն, ըստ ամենայնի, կիսում է ԵՄ-ն, որը պատրաստվում է Հայաստանին 15 միլիոն եվրո տալ՝ «հիբրիդային ներգործությունը» չեզոքացնելու համար: Ո՞վ է «հիբրիդային ներգործությունը» կատարում: Ռուսաստանը: Ո՞ւմ են կպցնում այդ «հիբրիդային» պիտակները: Փաշինյանի բոլոր ընդդիմախոսներին: Ո՞ւմ են տալու այդ փողը: Իշխանությանը եւ նրա շահերը ներկայացնող հ/կ-ներին: Արդյոք չի՞ ստացվում, որ ԵՄ-ն օգնում է իշխանությանը՝ ճնշել ընդդիմությանը:
Յուրահատուկ «ժողովրդավարական» մոտեցում է:
Արամ ԱԲՐԱՀԱՄՅԱՆ
Եվրոպա՞… Էդ ինչ բան է_20 տարի անց:
Օգնություն էլ կա` 15մլն եվրո Տրոյան ձիու տեսքով, օգնություն էլ` ԱՄՆ-ի ռազմավարական հայտարարությունը:
Հայերիս համար ճիշտ ժամանակին տպագրվեց ԱՄՆ 33 էջանոց Ազգային անվտանգության ռազմավարությունը:
Չկար միջազգային լրատվական միջոց, որ չանդրադառնար: Բոլորը ունեին վերնագրում ‘Europe faces ‘civilisational erasure”: Որոշները հիշատակեցին Ր. Քամյույի ‘The Great Replacement’
Կարդալ ՊԱՐՏԱԴԻՐ Է.
Trump administration says Europe faces ‘civilisational erasure’
https://www.bbc.com/news/articles/c04vdengk3do
Անտրանի` Goole-ի տառացի թարգմանություն.
Ես` ԱՄՆ-ը ինչպես է ընկալում, օրինակ, ԵՄ էմիսսարների 15 մլն եվրո տրամադրելը.
‘…մեղադրեց Եվրոպական Միությանը և «այլ միջազգային մարմիններին» այնպիսի գործողություններ իրականացնելու մեջ, որոնք «խաթարում են քաղաքական ազատությունն ու ինքնիշխանությունը», ասաց, որ միգրացիոն քաղաքականությունը «ստեղծում է հակամարտություններ» և ասաց, որ այլ խնդիրներից են «խոսքի ազատության գրաքննությունը և քաղաքական ընդդիմության ճնշումը, ծնելիության մակարդակի կտրուկ անկումը և ազգային ինքնության ու ինքնավստահության կորուստը…»։
Միգրանտների առիթով ես ասեմ, որ Մարթա Կալլաս-Կայա Կոսը այդ գումարի դիմաց ՆԱԵՎ պահանջած կլինեն (էնթադրում եմ) շուքով ընդունել 300 հազար թուրքին:
Խաղաղության մասին.
‘«Եվրոպական մեծ մեծամասնությունը խաղաղություն է ցանկանում, սակայն այդ ցանկությունը չի վերածվում քաղաքականության՝ մեծ մասամբ այդ կառավարությունների կողմից ժողովրդավարական գործընթացները տապալելու պատճառով»’
Հայաստանում խաղաղության ցանկությունը ոչ միայն չի վերածվում այլ չի էլ վերածվի քաղաքականության` մնալու է Ձեր ասած բոբոն, ժողովրդավարական գործընթացները տապալելու նպատակով:
Մենք մե..եծ օգնություն ստացանք ԱՄՆ-ից այսօր: Սա միլլիարդներ արժի: Եթե խելացի տնորինենք:
Ֆրանսերէնով (Armenews)
https://www.armenews.com/editorial-daram-aprahamian-dans-aravot-les-prisonniers-politiques-la-croque-mitaine-hybride-et-lue/
Շատ շնորհակալ եմ