ՔՊ խմբակցության պատգամավոր Արթուր Հովհաննիսյանն այսօր ԱԺ ճեպազրույցների ժամանակ խուսափեց պատասխանել Ադրբեջանի նախագահ Ալիեւի հերթական պահանջներին։ Ալիեւն այսօր նորից տարածքային պահանջներ է ներկայացրել Հայաստանին՝ խոսելով այսպես կոչված «ադրբեջանցի փախստականների» վերադարձի մասին։
«Ես ոտքի վրա այդ հայտարարությանը որեւէ կերպ չեմ անդրադառնա, քանի դեռ այդ հայտարարությանը չեմ ծանոթացել։ Ինչ վերաբերում է առհասարակ փախստականների վերադարձի թեմային, մենք Ադրբեջանի գործընկերների հետ ակտիվ քննարկումների մեջ ենք ամենատարբեր հարցերով, այս պահին օրակարգում նման հարց մեզ մոտ չի քննարկվում։ Մենք առաջ ենք շարժվում այն փաստաթղթերից ելնելով, որոնք ստորագրվել են օգոստոսի 8-ին»,- ասաց Արթուր Հովհաննիսյանը։
Մանրամասները՝ տեսանյութում
Կարդացեք նաև
Արթուր Հովհաննիսյանն անդրադարձավ նաեւ Նիկոլ Փաշինյանի հայտարարությանը, որ Գյումրիում պատարագի է մասնակցելու։ «Կիրակի օրը՝ դեկտեմբերի 7-ին, Գյումրու Սուրբ Յոթ վերք եկեղեցում կմասնակցեմ սուրբ եւ անմահ պատարագի»,- Ֆեյսբուքի իր էջում գրել է Նիկոլ Փաշինյանը։ Հարցին, թե արդյոք սա նշանակո՞ւմ է, որ գտնվել է պատարագ մատուցող հոգեւորական, որը կզեղչի կաթողիկոսի անունը, Արթուր Հովհաննիսյանը պատասխանեց․ «Մեզ համար Կտրիճ Ներսիսյանը կաթողիկոս չէ, մենք մասնակցում ենք այն պատարագներին, որոնք մատուցում են հոգեւորականներ, ովքեր կիսում են եկեղեցու նորոգման օրակարգը»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
