ԱԺ ճեպազրույցների ժամին «Պատիվ ունեմ» խմբակցության ղեկավար Հայկ Մամիջանյանն անդրադարձավ եկեղեցու դեմ արշավին եւ Արշակ սրբազանի կալանավորման որոշմանը։
Մամիջանյանն ասաց․ «Պարզ է, որ իշխանափոխությունից հետո դատավոր Մասիս Մելքոնյանն ու իր նման դատավորի կոչմանը չհամապատասխանող մարդիկ դատական համակարգում չեն լինելու։ Բայց իմ առաջարկը հետեւյալն է լինելու հետագայում՝ Մասիս Մելքոնյանը պետք է Նիկոլ Փաշինյանի կալանքի որոշումը տա, հետո հեռանա դատական համակարգից՝ վերջնականապես ամբողջացնելու իր կերպարը»։
Մանրամասները՝ տեսանյութում
Կարդացեք նաև
Ըստ Մամիջանյանի՝ ցանկացած նմանօրինակ արշավից եկեղեցին միայն ուժեղանում է։ «Եվ ես չեմ կարծում, որ Վեհափառ հայրապետին կալանավորելու պարագայում մեր եկեղեցու հետեւորդներից որեւէ մեկի համար որեւէ բան կփոխվի։ Որտեղ որ լինի Վեհափառ հայրապետը, այնտեղ էլ կլինի վեհարանը։ Եթե այսպես շարունակվի, մեկուսարաններում, նաեւ Նուբարաշեն ՔԿՀ-ում ավելի շատ արժանապատիվ հոգեւորականներ ու արքեպիսկոպոսներ կլինեն, քան որոշները, որոնք կառավարության շենքերում ու ուրիշ գաղտուկ տեղերում սեփական կաշին փրկելու համար գործարքների են գնում»,- ասաց նա։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
