«Մեր գործընկերոջ՝ Արսեն Բաբայանի հետ այսօր առավոտյան միացանք՝ իրավապաշտպաններից ես եւ Սերգեյ Հարությունյանը: Չգիտեմ ինչքանով է տեղին այստեղ շեշտելը, բայց ամեն դեպքում իրավական հանգամանք է, որ ուզում եմ շեշտել: Եվրոպական կոնվենցիայի մի դրույթ կա, որ հազվադեպ է վկայակոչվում, մենք այստեղ վկայակոչեցինք՝ մարդու իրավունքների նկատմամբ միջամտությունը, սահմանափակումը չի կարող տեղի ունենալ այլ նպատակով, քան նախատեսված է կոնվենցիայով: Մեր համոզմամբ, այստեղ գործ ունենք մարդու իրավունքների նկատմամբ միջամտության, սահմանափակման, հալածանքի հետ»,-լրագրողների հետ զրույցում նշեց իրավապաշտպան Ռուբեն Մելիքյանը: Նա ասաց, որ պնդում են ՝ տվյալ պարագայում առկա է կոնվենցիայի 18-րդ հոդվածը:
«Վարչապետը չհերքեց և, ըստ էության, հաստատեց ԱԱԾ-ի՝ ծեսին եւ Հայ Առաքելական եկեղեցու գործերին միջամտելու հանգամանքը, մասնավորապես պետք է զեղչվի, թե չպետք է զեղչվի Վեհափառ Հայրապետի եւ թեմակալ առաջնորդի հիշատակությունը: Այս ամենը մեզ հնարավորություն է տալիս շատ ավելի ամուր հիմքերով պնդել, որ գործ ունենք բացարձակապես այլ, հանցագործության հետ կապ չունեցող նպատակով Արշակ սրբազանին մեկուսացնելու հետ»,-ընդգծեց Ռուբեն Մելիքյանը:
Կարդացեք նաև
Տեսանյութն ամբողջությամբ.
Գոհար ՀԱԿՈԲՅԱՆ
