«Հենակետ» վերլուծական կենտրոնի տնօրեն Վիտալի Մանգասարյանի ֆեյսբուքյան գրառումը
Մերօրյա իրականության մեջ գրեթե ամենօրյա ռեժիմով բախվում ենք պարադոքսի:
Այս անգամ ուժի կիրառման անթույլատրելիության մասին ամենայն լրջությամբ խոսում են այն մարդիկ, որոնք քաղաքական հակառակորդներին պատերին էին «ծեփում», հրապարակային խոսքում վիրավորանքի լեզուն դարձրել էին նորմա, իսկ երբեմն էլ խոսվում էր նույնիսկ ֆիզիկական բռնության մասին՝ ականջ կտրելու պատմություններից մինչեւ մարդկանց արժանապատվությանը վիրավորող դրվագներ։
Հանրությունը լավ հիշում է նաեւ այն դեպքերը, երբ նույն այդ շրջանակների անգամ սեփական թիմակիցների անձնական կյանքն էր դառնում զսպաշապիկի, ճնշման կամ վերահսկման գործիք։ Եվ հենց այդ մարդիկ այսօր հանդես են գալիս որպես բարոյականության ջահակիրներ։
Կարդացեք նաև
Այս ամենը այնքան անլուրջ է, որքան եթե ես ծխող ընկերներիս հետ, սիգարետը ատամներիս արանքում պահած, խորը «ղուլաբ» տամ ու բոլորին համոզեմ, որ պետք է պայքարել ծխելու դեմ։
