ՀՀ վարչապետ Նիկոլ Փաշինյանի հետ հանդիպած եպիսկոպոսները իրենց հայտարարության մեջ մասնավորապես նշել են. «Շատ ենք ցավում վերջին ամիսներին մեր Եկեղեցու ներսում եւ մեր Եկեղեցու շուրջ առկա անառողջ մթնոլորտի համար, որ փոթորկում է մեր բոլորի հոգիները։ Այս ամենը գուցե չլիներ, եթե արդար, առանց ահաբեկումների լիներ 1999թ. Կաթողիկոսական ընտրությունը»:
Ըստ էության, սա հայտարարություն է այն մասին, որ 1999թ. Հոկտեմբերի 27-ին գործող Կաթողիկոսի ընտրությունների ընթացքում տեղի են ունեցել ահաբեկումներ, որոնք ուղղված էին գործող Կաթողիկոսի ընտրվելու արդյունքի վրա: Արդյոք վերը նշված հայտարարության հիման վրա հարուցվե՞լ է քրեական վարույթ՝ պարզելու համար ահաբեկումներ եղե՞լ են, ու դրանք պատվիրած անձանց շրջանակը:
Նույն հարցն ուղղել էինք ե´ւ դատախազությանը, ե´ւ Քննչական կոմիտեին: Երկու տեղից արձագանքել են, որ նշված հայտարարությունը չի ուսումնասիրվել այս պահին իրենց կողմից՝ հավելելով, որ ուսումնասիրվելու դեպքում կանդրադառնան մեր հարցին:
Հոդվածն ամբողջությամբ՝ «Իրավունք» թերթի այսօրվա համարում
