«Իրանն այսօր» – Իրանի արտգործնախարար Աբբաս Արաղչին ընդունել է Հայաստանում ԻԻՀ նորանշանակ դեսպան Խալիլ Շիրղոլամիին:
Դեսպանն Արաղչիին է ներկայացրել Հայաստանի հետ հարաբերությունների զարգացման իր ծրագրերն ու առաջնահերթությունները։
Արաղչին Հայաստանի հետ հարաբերությունները բնութագրել է որպես սերտ կապերով պատմական հարաբերություններ և ընդգծել մշակութային, աշխարհաքաղաքական, տնտեսական և այլ ոլորտներում ՀՀ հետ համագործակցության առավել զարգացման անհրաժեշտությունը։


















































