Հայաստանում իշխող «Քաղաքացիական պայմանագիր» կուսակցությունը Հայ առաքելական եկեղեցու դեմ համակարգված գործում է թե արտաքին քաղաքական, թե ներքաղաքական գործընթացներից ելնելով․ այս մասին այսօր Քաղաքական իրավունքի հայկական կենտրոնի (ՔԻՀԿ) կազմակերպած «Քաղաքական իրավունքները եւ հետապնդումները Հայաստանում» թեմայով քննարկման ժամանակ կարծիք հայտնեց կազմակերպության հիմնադիր անդամ Նարե Սիմոնյանը։
ՔԻՀԿ-ն հրապարակել է 2025 թվականի զեկույցը, այն՝ «Անարդարադատությունը Հայաստանում» խորագիրն ունի։
2025 թվականի մայիսի 27-ից 29-ը, Շվեյցարիայի Բեռն քաղաքում կայացած «Կրոնական ազատություն․ հայկական հոգևոր, մշակութային և պատմական ժառանգության պահպանումը Արցախում/Լեռնային Ղարաբաղում» խորագրով միջազգային համաժողովը , ըստ բանախոսի ՔՊ-ական իշխանության համար հիմք դարձավ ՀԱԵ դեմ համակարգված պայքար մղելու։ Մինչ այդ հատվածական, հայտարարություններ եւ գործողություններ էին եղել։
Նիկոլ Փաշինյանի՝ ՀԱԵ հոգեւորականների նկատմամբ ոչ պատշաճ լեքսիկոնով գրառումներից, եկեղեցիների «չուլանացման» հայտարարություններից հետո այդ արշավին միացել է նաեւ նրա կինը՝ Աննա Հակոբյանը։ Նարե Սիմոնյանը հիշեցրեց Աննա Հակոբյանի կատարած գրառումը․ «Շվեյցարիայում ի՞նչ եք անում, ո՞ւմ եք անվտանգ ուղարկում հարազատ բնօրրան, ո՞ւմ եք ազատում գերությունից։ Դուք գիտե՞ք հոգեւորն ինչ է։ Ա՜յ քեզ նորություն»։
Կարդացեք նաև
Ըստ բանախոսի, ՀԱԵ դեմ իշխանության գործողությունների հիմնական դրդապատճառն այն է, որ Ադրբեջանի հետ խաղաղություն է կառուցում, իսկ Ադրբեջանից ազդակներ են գալիս, որ ՀԱԵ-ն խանգարում է դրան։ Կա երկրորդ դրդապատճառն էլ, այն ներքաղաքական՝ ՔՊ-ի նվազող վարկանիշը։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Լուսանկարը՝ Կարեն Վրթանեսյանի ֆեյսբուքյան էջից
