«Միասնության թևեր» քաղաքական նախաձեռնության հիմնադիր ղեկավար, Իրավունքի և արդարության կենտրոն «Թաթոյան» հիմնադրամի տնօրեն, ՀՀ մարդու իրավունքների նախկին պաշտպան Արման Թաթոյանի տելեգրամյան գրառումը
Երեկ, երբ Վաղարշապատի գյուղերում բնակիչների հետ էինք զրուցում, նկատեցինք, որ արագիլներն այս տարի չեն չվել, մնացել են Հայաստանում:
Մեր Հայաստանը պետք է լինի այնպիսի երկիր, որ մեր քաղաքացիների մտքով անգամ չանցնի հեռանալ։ Նրանք, ովքեր տարբեր պատճառներով մեկնել են, պիտի կարողանան արագիլների պես վերադառնալ իրենց ծննդավայր երկիր, իրենց Հայրենիք՝ գտնելով ապահով ու արժանապատիվ կյանքի բոլոր պայմանները։
