«Առաջիկայում մենք գնալու ենք ընտրությունների, եւ կարծում եմ, որ Արցախի խնդրի շուրջ քաղաքական ուժերի դիրքորոշումները նաեւ շատ կարեւոր չափանիշ են, որով մեր ժողովուրդը, շատ արցախահայեր, որոնք ունեն նաեւ ընտրելու իրավունք Հայաստանում, պետք է առաջնորդվեն»,- Արցախի Ազգային ժողովում «Վերադարձ Արցախ. խնդիրներ, մարտահրավերներ, հնարավորություններ» թեմայով լսումների ժամանակ ասաց ՀԱԿ փոխնախագահ Լեւոն Զուրաբյանը։
«Մենք ճանաչում ենք եւ պաշտպանում ենք արցախահայության իրավունքը՝ դեպի պատմական հայրենիք վերադարձը, բայց մենք նաեւ հասկանում ենք, որ կան իրողություններ, մասնավորապես այն, որ այսօր ոչ մի խելքի գլխին մարդ չի գնա բռնապետական Ադրբեջան ապրելու։ Էն քաղաքական ուժը, որն ասում է՝ ես գալու եմ իշխանության եւ ապահովելու եմ արցախցիների վերադարձը դեպի Արցախ, ինքն ըստ էության ասում է, որ ես գնալու եմ չեղած բանակով պատերազմելու»,- ասաց նա՝ ներկայացնելով Արցախի հարցով այն դրույթները, որոնցով ՀԱԿ-ը մասնակցելու է ընտրություններին։
Մանրամասները՝ տեսանյութում
Կարդացեք նաև
Զուրաբյանը հավելեց, որ այս իշխանություններն ուզում են, որ Արցախի հարցը շուտ ցրվի, իսկ ցրվելու լավագույն ձեւն այն է, որ արցախահայությունը Հայաստանում չլինի, ցրվի ամբողջ աշխարհում։ «Հետեւաբար, առաջնային նպատակը պետք է լինի այս իշխանությունների հեռացումը, եթե մենք ուզում ենք, որ Արցախի հարցերն առաջ գնան»,- ասաց նա։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
