«Քրեական վարույթը, որի շրջանակում իրականացվում է խուզարկություն գործողությունը, նախաձեռնվել է 2025թ. հունիս ամսին եւ այն կապված է ենթադրյալ տնտեսական հանցագործության հետ: Խոսքը վերաբերվում է կոնկրետ Իրավաբանական անձի եւ Հայաստանում գործող բանկի միջեւ կնքված վարկային պայմանագրի շրջանակներում Արցախի ներդրումային հիմնադրամի կողմից սեսիայի պայմանագիր կնքելու հետ: Սեսիայի պայմանագիրը կնքվել է ՀՀ կառավարության եւ Արցախի Հանրապետության կառավարության որոշման շրջանակներում»,-Արցախի Հանրապետության ներկայացուցչությունում, որտեղ խուզարկություն է իրականացվում, լրագրողներին փոխանցեց փաստաբան Ռոման Երիցյանը:
«Այստեղ բացահայտ հանցագործության տարրեր, ուսումնասիրելով դատարանի խուզարկության որոշումը, անձամբ ես չեմ արձանագրում: Եվ չեմ հասկանում՝ առհասարակ 2021թ տեղի ունեցած իրադարձությունն ի՞նչ կապ ունի Արցախի Հանրապետության ներկայացուցչության մշտական տեղակայման վայրի հետ… Թե Արցախի Հանրապետության ներկայացուցչության մշտական տեղակայման վայրում ինչ փաստաթղթեր են փնտրում՝ մեզ համար հասկանալի չէ:
Ըստ դատարանի որոշման, պետք է դա կապ ունենա կոնկրետ իմ կողմից վկայակոչված գործողության հետ, որը կատարվել է Արցախի Հանրապետության եւ Հայաստանի Հանրապետության կառավարության մշակված ծրագրերով»,-նշեց փաստաբանը:
Նրա ձեւակերպմամբ. «Զարմանալի չէ, որ մինչ այս պահը չեն գտել գեթ մեկ փաստաթուղթ, որը կարող է այդ վարույթի համար ունենալ որեւէ նշանակություն: Դատարանի որոշման մեջ արծարծվում է նաեւ Սամվել Կարապետյանի նկատմամբ իրականացվող քրեական հետապնդումը եւ Սամվել Կարապետյանի կողմից տրված ցուցմունքը: Այս կապակցությամբ ես հետագայում լրացուցիչ հայտարարություն կանեմ»:
Կարդացեք նաև
Մանրամասն տեսանյութում.
Գոհար ՀԱԿՈԲՅԱՆ
