Գյումրու քաղաքապետ Վարդան Ղուկասյանն ու նրա որդին՝ Սպարտակը, ներս մտնելով հակակոռուպցիոն դատարան՝ դատական նիստի, սկսեցին հարցուփորձ անել ներկաներին, թե ինչպե՞ս են։ «Ի՞նղ եք, լավ եք»,-ներկաներին հարցրեց Սպարտակ Ղուկասյանը։
Վարդան Ղուկասյանն էլ սկսեց հայացքով փնտրել՝ ով է ներկա, ով՝ բացակա։ «Ցոլակ, լա՞վ ես, լավ էղի, բոլորին ջերմ-ջերմ կբարևես», ասաց նա։
Գյումրու փոխքաղաքապետ Գագիկ Մանուկյանը ինչ-որ բան շշնջաց նրա ականջին, որին ի պատասխան՝ Ղուկասյանը ժպտաց ու բարձրաձայն սկսեց կատակել․ «Ուղիղ Վլադիմիր Վլադիմիրովիչին, որ գիտենան՝ միայն Հայաստանով չէ․․․ Մի հատ էլ եվրոպական էն բանի անունն ինչ էր, հատուկ դրան էլ»։
Ներս մտավ դատավորը, զրույցն ընդհատվեց։
Կարդացեք նաև
Վկաներից երեքը պատշաճ ծանուցվել, սակայն չէին ներկայացել դատարան, որի պատճառով նիստը հետաձգվեց։ Նկատենք, որ հրավիրված վկաներից մեկը՝ Արտյոմ Մազմանյանը, որը չէր եկել նիստին, ժամանակին առանցքային պաշտոն էր զբաղեցնում Գյումրու քաղաքապետարանում․ Վարդան Ղուկասյանի օրոք աշխատակազմի ղեկավարն էր ։
Որոշվեց նրանց հարկադրաբար դատարան ներկայացնել։
Նիստը հետաձգվեց դեկտեմբերի 25-ին՝ նշանակվելով ժամը 12-ին։
Նունե ԱՐԵՎՇԱՏՅԱՆ


















































