Տեղեկացրել ենք, որ Շիրակի մարզպետ Դավիթ Առուշանյանին առաջիկայում կազատեն Շիրակի մարզպետի պաշտոնից։ Ուշագրավն այն է, որ նրան իր ազատման մասին լուրը հայտնեցին ճիշտ այն ժամանակ, երբ նա պատրաստվում էր հաշվետու մամուլի ասուլիս տալ՝ իր պաշտոնավարման մեկ տարվա առթիվ։
Թե ո՞վ կփոխարինի նրան Շիրակի մարզպետի պաշտոնում, Aravot.am-ի աղբյուրները տեղեկացնում են, որ այս թեմայով այսօր մայրաքաղաք են հրավիրել Արթիկի համայնքապետ Անան Ոսկանյանին՝ գեներալ Մանվել Գրիգորյանի սանիկին։
Շրջանառվող տեղեկությունը փորձեցինք անձամբ ճշտել Անան Ոսկանյանից, սակայն նա մեր հեռախոսազանգերը թողեց անպատասխան։
Նկատենք, որ այսօր մեր հեռախոսազանգերին չի պատասխանել նաև Դավիթ Առուշանյանը, որը միշտ հասանելի է լրագրողներին, սիրում է շփվել նրանց հետ։
Կարդացեք նաև
Ինչևէ, ամենայն հավանականությամբ կառավարության առաջիկա նիստում կհայտարարվի ազատման ու նոր նշանակման մասին։
Նունե ԱՐԵՎՇԱՏՅԱՆ

















































