Հայաստանի եւ ՌԴ-ի միջեւ առեւտրաշրջանառությունը թեեւ նվազել է, բայց ՌԴ նախագահ Վլադիմիր Պուտինը շարունակում է լավատեսորեն վերաբերվել երկու երկրների հարաբերությունների զարգացմանը։
Այսօր, Սանկտ Պետերբուրգում ԱՊՀ ոչ պաշտոնական գագաթնաժողովի շրջանակում Հայաստանի վարչապետ Նիկոլ Փաշինյանի հետ հանդիպման ժամանակ, ՌԴ նախագահը հայտարարեց՝ երկկողմ հարաբերությունները զարգանում են։ Ինչ վերաբերվում է երկու երկրների միջեւ առեւտրաշրջանառությանը, ապա 2024 թվականին այն կազմել է ավելի քան 11 միլիարդ դոլար, այս տարվա առաջին ինը ամսում 4,5 միլիարդ դոլար է․ «Սա եւս լավ ցուցանիշ է։ Այն մեզ հիմք է տալիս ենթադրել, որ մոտ ապագայում կշարունակենք ավելացնել»։
ՌԴ նախագահի գնահատմամբ՝ «մեր թիմերը» լավ են աշխատել երկու երկրների հարաբերությունների՝ բոլոր ոլորտներում զարգացման ուղղությամբ, եւ ի դեմս երկրների ղեկավարների՝ Ռուսաստանը եւ Հայաստանը «լավ փաստաթղթեր են պատրաստել»։
«Ամեն ինչ ստորագրվել է, ամեն ինչ առաջ է շարժվում»,- ասաց ՌԴ նախագահ Վլադիմիր Պուտինը։
Կարդացեք նաև
«Մեր վերջին հանդիպման ժամանակ Դուք հարցեր բարձրացրեցիք տարբեր ոլորտների վերաբերյալ։ Մենք կարող ենք համատեղ աշխատել՝ հին երթուղիները վերականգնելու եւ նոր երթուղիներ ստեղծելու նպատակով, դրանք կբացեն Հայաստանի սահմանները»,- հավելեց ՌԴ նախագահը։
Պատրաստեց՝ Նելլի ԳՐԻԳՈՐՅԱՆԸ
