«1,5 միլիոն դոլարի բենզին է ներմուծվել Ադրբեջանից Հայաստան։ 250-300 հազար դոլարի հարկ է գնացել ադրբեջանական պետությանը։ 80-100 հազար դոլարի ֆինանսավորել ենք ադրբեջանական բանակը»,- «Մեր ձեւով» շարժման համաժողովից հետո կայացած ասուլիսում հայտարարեց շարժման համակարգող խորհրդի անդամ Նարեկ Կարապետյանը՝ պատասխանելով ադրբեջանական բենզինի մասին հարցին։
Նարեկ Կարապետյանը դեմ չէ Հայաստան-Ադրբեջան առեւտրաշրջանառությանը, բայց կարծում է, որ դա փոխադարձ պետք է լինի․ «Դա Հայաստանին կարող է հետաքրքրել մեկ դեպքում, որբ երկու երկրների միջեւ լուծվեն բոլոր հարցերը, լոգիստիկ առումով մենք ունենանք մուտք սահմանակից երկրներ։ Բայց Հայաստանում իշխող քաղաքական ուժը պետք է ամեն ինչ անի, որ մենք կարողանանք ոչ թե գնել․, այլ վաճառել։ Միակողմանի ֆինանսավորել հարեւան երկրի բանակը մենք չենք պատրաստվում»։
Ըստ նրա, Հայաստանը տարեկան մեկ միլիարդ դոլարի նավթամթերք է գնում․ «Պատկերացնում ե՞ք՝ մենք սկսենք զինել մեր հակառակորդին։ Նավթավերամշակման գործարան է մեզ պետք այս երկրին։ Մենք գտնվում ենք Իրանի՝ աշխարհի նավթային ամենահարուստ երկրի սահմանին եւ ամենաթանկ նավթամթերքն ենք գնում»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
