Նիկոլ Փաշինյանի սանիկ` Վեդու համայնքապետ Գարիկ Սարգսյանն արդեն ավանդույթ է դարձրել տարեվերջին իրեն պարգեւատրելը: Դեկտեմբերի 19-ի նիստում Վեդիի ավագանին հավանություն է տվել Սարգսյանին մեկ ամսվա աշխատավարձին համարժեք պարգեւատրելու առաջարկին՝ «իր պարտականությունների պատշաճ կատարման համար»։
Ավագանու «Իմ հզոր համայնք» խմբակցության անդամ Վահագն Վարդանյանը փաստում է՝ այդ պարգեւավճարով համայնքապետը կարող էր մանկապարտեզներն անվճար դարձնել. «Մենք մեր կարծիքն արտահայտել ենք, մեր խմբակցությունով դեմ ենք քվեարկել: Բացի իրեն պարգեւատրելուց, համայնքապետարանի աշխատակիցներն էլ պարգեւավճարներ են ստացել: Համայնքի ղեկավարը բաժնի պետերին եւ մնացած աշխատողներին է պարգեւավճար տվել, գլխավոր պաշտոններից էլ մինչեւ 2-րդ կարգի մասնագետ, աշխատակազմի քարտուղարն է 100%-ով պարգեւատրվել: Եթե երեխաները մեկ տարի անվճար մանկապարտեզ հաճախեն, ոնց որ Արտաշատ եւ Մասիս քաղաքներում արեցին, այդ ծնողական գումարներն ընդամենը 85 մլն դրամ են կազմում, չնչին տարբերություն է տալիս: Միայն համայնքապետարանի պարգեւատրման ֆոնդը կազմում է 65 մլն դրամ` ՀՈԱԿ-ը չհաշված: ՀՈԱԿ-ը միասին 85 մլն դրամ է կազմում»:
Նելլի Կարապետյան
Հոդվածն ամբողջությամբ՝ «Հրապարակ» օրաթերթի այսօրվա համարում:
