Խորհրդակցությունը մեկնարկել է ՀՀ վարչապետի կողմից տրված հանձնարարականների կատարման ընթացքի քննարկմամբ՝ հատուկ շեշտադրվել է հանձնարարականների ժամանակին և լիարժեք կատարման անհրաժեշտությունը, արդյունքների հիմնավոր վերլուծությունը, ի հայտ եկած խնդիրների լուծման ռազմավարությունը, օպերատիվ արձագանքման և կանխարգելիչ քայլերի կարևորությունը։
Քննարկվել են մթնոլորտային օդի, ջրային ռեսուրսների, հողի, կենսաբազմազանության պահպանության, անտառային և ընդերքօգտագործման ոլորտներում վերահսկողական մեխանիզմների ուժեղացման, ապօրինությունների կանխարգելմանն ուղղված միջոցառումները, քաղաքացիներից ստացված ահազանգերի արձագանքման ընթացակարգերն ու դրանց օպերատիվության բարձրացման հնարավորությունները։
Տրվել են հանձնարարականներ՝ թվային գործիքների կիրառման բարելավման, ծառայողական կարգապահության, վերահսկողության ամրապնդման և աշխատանքների թափանցիկության ապահովման վերաբերյալ, ընդգծվել է մասնագիտական կարողությունների շարունակական զարգացման ու միասնական՝ թիմային աշխատանքի կարևորությունը։
Ամփոփիչ խորհրդակցությունն ավարտվել է առաջիկա տարվա գործողությունների հստակ ուղենիշների սահմանմամբ՝ ի նպաստ շրջակա միջավայրի պահպանության ու նպատակային ընդերքօգտագործման ոլորտում պետական քաղաքականության շարունակական իրագործմանը։
