-Մայր Աթոռում պատարագ է, իսկ ինչ անում են Փաշինյանն ու իր խմբակը՝ պղծում են Հայ Առաքելական եկեղեցու տաճարները: Այնտեղ՝ քրիստոնեական եկեղեցիներում, կռապաշտական ծես են կազմակերպում, որովհետեւ սուրբ եւ անմահ պատարագն ունի իր ընթացքն ու կանոնները եւ որեւէ մեկին իրավունք տրված չէ խմբագրել պատարագը: Եթե ինչ-որ բան փոխում ես, այլեւս Հայ Առաքելական եկեղեցու սուրբ ու անմահ պատարագ չէ,- այսօր Մայր Աթոռում պատարագից առաջ լրագրողներին ասաց ԱԺ «Հայաստան» խմբակցության պատգամավոր Արթուր Խաչատրյանը:
Նա նկատեց, որ նախորդ կիրակի Փաշինյանը Հայաստանում չէր, ու որտե՞ղ էին ՔՊ-ական «հավատացյալները». «Ո՞ւր էին: Իհարկե, շատ ուրախ էին, որ պարտադրանքով չեն գնում ինչ-որ մի միջոցառման մասնակցելու: Ինչ ասեմ, Փաշինյանի էությունն էր՝ հներ, նորեր, հեղափոխական-հակահեղափոխականներ, սեւեր-սպիտակներ: Ինքը լենինյան ոճով արտաքին թշնամու դեմ երկիրը պաշտպանելու փոխարեն՝ երկրի ներսում երկպառակություն է սերմանում, որովհետև դա է իրեն ուժ ու էներգիա տալիս, իր իշխանության աղբյուրն է»:
Խաչատրյանի խոսքով, պատարագը քաղաքական պերֆորմանս չէ, Փաշինյանն է ուզում քաղաքական պերֆորմանսի վերածել. «Մենք՝ Հայ Առաքելական եկեղեցու հետեւորդներս, պետք է պարսպի նման կանգնենք ու պաշտպանենք Մայր Աթոռը»:
Կարդացեք նաև
Արփինե ՍԻՄՈՆՅԱՆ
