Տեղեկացրել ենք, որ այսօր ժամը 14․00-ի սահմաններում ողբերգական ավտովթար է տեղի ունեցել Ազատան-Գյումրի ավտոճանապարհին՝ Ազատանի վարչական տարածքում․ բախվել են «Mercedes-Benz» և «Lada» մակնիշի ավտոմեքենաները։
Ներքին գործերի նախարարության տեղեկացմամբ, փրկարարները «Mercedes-Benz» մակնիշի ավտոմեքենայից դուրս հայտնաբերել են ուղևորներից մեկի դին։ Այս մեքենայի վարորդին տեղափոխել են Գյումրի բժշկական կենտրոն։
Կարդացեք նաև
Փրկարարները «Lada» մակնիշի ավտոմեքենայից դուրս են բերել ուղևորին և մոտեցրել շտապօգնությանը․ տուժածը հոսպիտալացվել է Գյումրի բժշկական կենտրոն։
3 հոգի տեղում մահացել են, 2-ին՝ տեղափոխել հիվանդանոց։
Մենք տեղի բնակիչներից ճշտեցինք, որ երեք զոհերից մեկը կին է, մյուս երկուսը՝ տղամարդ, ընդ որում` նրանցից մեկը շատ երիտասարդ է։
Գյումրի բժշկական կենտրոնի փոխտնօրեն Արմեն Խաչատրյանն էլ Aravot.am-ին տեղեկացրեց, որ տուժածներից մեկին, որը տարբեր վնասվածքներ է ստացել, իրենց մոտից տեղափոխել են Սուրբ Գրիգոր Լուսավորիչ հիվանդանոց։
Մյուսի մոտ կան կողի, կոնքոսկրերի կոտրվածքներ։
Նրանցից երկուսի վիճակն էլ ծանր է, տուժածներից մեկը 46 տարեկան է, մյուսը՝ 24։
Նունե ԱՐԵՎՇԱՏՅԱՆ

























































