Ի պատասխան լրագրողի՝ ասուլիսում հնչեցրած հարցի, որ հայտարարագրերն ուսումնասիրելիս իր եկամուտներն անընդհատ աճում են, գուցե կիսվի փորձով, թե ինչպես է հարստանում, Երեւանի քաղաքապետ Տիգրան Ավինյանը պատասխանեց, որ մինչեւ հանրային գործունեություն ծավալելը ինքը եւ իր ընտանիքի անդամները բիզնեսով են զբաղվել: Նաեւ նշեց, որ այդ հարցի պատասխանը թափանցիկորեն արտացոլված է հայտարարագրում:
Եկեղեցու վերաբերյալ հարցին էլ այսպես արձագանքեց. «Հայ Առաքելական եկեղեցին իր ծառայությունն է մատուցում Աստծուն եւ հայ ժողովրդին: Ինչպես յուրաքանչյուր ծառայություն մատուցող ինստիտուտ՝ եկեղեցին եւս ունի նորոգման կարիք, որը պարտադրում է ժամանակը: Հին բարքերով, կեղծավորությամբ, իրականությունից կտրվածությամբ ինստիտուտները չեն կարող մատուցել այն ծառայությունները, ինչպես պահանջում է արդի ժամանակը:
Մասնավորապես կարծում եմ, որ եկեղեցին ունի որոշակի նորոգման կարիք… Ես վստահ եմ, որ նորոգումը տեղի է ունենալու հենց եկեղեցու ներսից, թեկուզ դանդաղ տեմպերով, բայց որոշակի կեղծավորության շղարշը պետք է պատռվի, մենք պետք է վստահ լինենք, որ եկեղեցին ազնիվ է եւ անկեղծ իր հոտի հետ»:
Կարդացեք նաև
Ասուլիսն՝ ամբողջությամբ.
Գոհար ՀԱԿՈԲՅԱՆ
