ՌԴ նախագահ Վլադիմիր Պուտինի նովգորոդյան նստավայրի վրա ուկրաինական հարձակման ժամանակ խոցված ուկրաինական զինված ուժերի անօդաչու թռչող սարքի տվյալները փոխանցվել են ԱՄՆ դեսպանատան ռազմական կցորդի գրասենյակի ներկայացուցչին: Հայտնում է Իզվեստիան, հղում անելով Ռուսաստանի պաշտպանության նախարարությանը։
Նշվում է, որ Ռուսաստանի Գլխավոր շտաբի գլխավոր հետախուզական վարչության պետը Մոսկվայում հանդիպել է ԱՄՆ ռազմական կցորդի հետ և նրան հանձնել Ուկրաինայի կողմից Ռուսաստանի նախագահական նստավայրը անօդաչու թռչող սարքերով գրոհելու փորձի վերաբերյալ նյութեր։
«2025 թվականի դեկտեմբերի 29-ի գիշերը Նովգորոդի մարզում ռուսական ՀՕՊ համակարգերի կողմից խոցված ուկրաինական անօդաչու թռչող սարքի երթուղու վերծանված տվյալները փոխանցվել են Միացյալ Նահանգներին՝ Մոսկվայում», – նշված է հաղորդագրության մեջ։
Հիշեցնենք՝ ՌԴ արտաքին գործերի նախարար Սերգեյ Լավրովն ավելի վաղ հայտնել էր. Նովգորոդում ՌԴ նախագահի նստավայրի վրա հարձակում գործած 91 ուկրաինական ԱԹՍ-ները ոչնչացվել են:
